Sobiq futbol hakami Anduxar Oliver kecha bo‘lib o‘tgan UYEFA Chempionlar ligasi chorak final uchrashuvida Madridning «Atletiko» darvozaboni Xuan Musso va Kataloniyaning «Barselona» yarim himoyachisi Fermin Lopes o‘rtasidagi to‘qnashuvga izoh berdi.
«Darvozabonda yomon niyat bo‘lganmi-yo‘qmi, buning ahamiyati yo‘q. Bu — 11 metrlik jarima zarbasi. Musso oldinga chiqib, «Barsa» o‘yinchisiga zarba berdi», — deya Oliverning so‘zlaridan iqtibos keltiradi Mundo Deportivo.
Eslatib o‘tamiz, «ko‘k-anorranglilar» safarda «matraschilar»ni 2:1 hisobida mag‘lub etishdi, biroq bu umumiy g‘alaba uchun kamlik qildi. Diyego Simeone shogirdlari ikki o‘yin natijasiga ko‘ra 3:2 hisobida zafar quchishdi.
Musobaqa finali yo‘llanmasi uchun «Atletiko» «Arsenal» — «Sporting» juftligi g‘olibiga qarshi bahs olib boradi.
