Собиқ футбол ҳаками Андухар Оливер кеча бўлиб ўтган УЕФА Чемпионлар лигаси чорак финал учрашувида Мадриднинг «Атлетико» дарвозабони Хуан Муссо ва Каталониянинг «Барселона» ярим ҳимоячиси Фермин Лопес ўртасидаги тўқнашувга изоҳ берди.

«Дарвозабонда ёмон ният бўлганми-йўқми, бунинг аҳамияти йўқ. Бу — 11 метрлик жарима зарбаси. Муссо олдинга чиқиб, «Барса» ўйинчисига зарба берди», — дея Оливернинг сўзларидан иқтибос келтиради Mundo Deportivo.

Эслатиб ўтамиз, «кўк-анорранглилар» сафарда «матрасчилар»ни 2:1 ҳисобида мағлуб этишди, бироқ бу умумий ғалаба учун камлик қилди. Диего Симеоне шогирдлари икки ўйин натижасига кўра 3:2 ҳисобида зафар қучишди.

Мусобақа финали йўлланмаси учун «Атлетико» «Арсенал» — «Спортинг» жуфтлиги ғолибига қарши баҳс олиб боради.