Madridning «Atletiko» klubi yarim himoyachisi Koke «Barselona» UYEFA Chempionlar ligasidan chiqib ketganidan so‘ng braziliyalik vinger Rafinyaning aytgan gaplariga munosabat bildirdi. «Ko‘k-anorranglilar» futbolchisi o‘z jamoasini «talab ketishdi» deb hisoblamoqda.
«Rafinya «talonchilik»ka ishora qilyaptimi? Bu uning shaxsiy fikri. Men uni futbolchi sifatida hurmat qilaman, lekin uning fikriga qo‘shilmayman. «Atletiko» «Barsa»dan hech narsani o‘g‘irlagani yo‘q. Chetlatish (qizil kartochka) yaqqol ko‘rinib turgan vaziyat edi», — deya yarim himoyachining so‘zlarini insayder Fabrisio Romano ijtimoiy tarmoqlarda keltirmoqda.
Ikki o‘yin natijasiga ko‘ra «Barselona» madridliklarga 2:3 hisobida imkoniyatni boy berdi. Chempionlar ligasi yarim finalida Diyego Simeone jamoasi «Arsenal» yoki «Sporting» bilan to‘qnash keladi.
