Мадриднинг «Атлетико» клуби ярим ҳимоячиси Коке «Барселона» УЕФА Чемпионлар лигасидан чиқиб кетганидан сўнг бразилиялик вингер Рафиньянинг айтган гапларига муносабат билдирди. «Кўк-анорранглилар» футболчиси ўз жамоасини «талаб кетишди» деб ҳисобламоқда.
«Рафинья «талончилик»ка ишора қиляптими? Бу унинг шахсий фикри. Мен уни футболчи сифатида ҳурмат қиламан, лекин унинг фикрига қўшилмайман. «Атлетико» «Барса»дан ҳеч нарсани ўғирлагани йўқ. Четлатиш (қизил карточка) яққол кўриниб турган вазият эди», — дея ярим ҳимоячининг сўзларини инсайдер Фабрицио Романо ижтимоий тармоқларда келтирмоқда.
Икки ўйин натижасига кўра «Барселона» мадридликларга 2:3 ҳисобида имкониятни бой берди. Чемпионлар лигаси ярим финалида Диего Симеоне жамоаси «Арсенал» ёки «Спортинг» билан тўқнаш келади.
