Milanning «Inter» klubi yozgi transfer oynasi uchun ikkita ustuvor maqsadni belgilab oldi — bular 21 yoshli italiyalik yarim himoyachi Marko Palestra va 23 yoshli bosniyalik himoyachi Tarik Muxaremovich. Bu haqda Gazzetta dello Sport nashri xabar bermoqda.
Muxaremovich «Sassuolo» sharafini himoya qiladi. Ushbu mavsumda bosniyalik futbolchi klub safida 28 ta o‘yin o‘tkazib, o‘z hisobiga 2 ta gol va 2 ta golli uzatmani yozdirib qo‘ydi.
Palestra esa «Kalyari» vakili hisoblanadi. Yarim himoyachi A Seriyada 31 ta uchrashuvda maydonga tushib, 1 ta gol urdi va 4 ta golli uzatmani amalga oshirdi.
