«Manchester Siti» yarim himoyachisi Rayan Sherki Xosep Gvardiola qo‘l ostida ishlash haqidagi taassurotlari bilan o‘rtoqlashdi.

«Gvardiola qo‘l ostida ishlash — bu aql bovar qilmaydigan jarayon. Pep — telba. U futbolni telbalarcha yaxshi ko‘radi. Futbol — bu u, u esa — futbol demakdir. U bilan ishlash juda qiziq, chunki har soniya, har daqiqa va kun bo‘yi biz tinimsiz harakat qilamiz va ko‘p mehnat qilamiz. Bu men uchun juda yaxshi, chunki doimo yangi narsalarni o‘rganishni yaxshi ko‘raman. Bu shunchaki hayratlanarli», — deya Sherkining so‘zlarini keltirmoqda «Manchester Siti» matbuot xizmati.

Rayan Sherki 2025 yilda «Lion»dan «Manchester Siti»ga 36 million yevro evaziga o‘tgan edi. Uning shartnomasi 2030 yil 30 iyungacha mo‘ljallangan. Joriy mavsumda fransuz futbolchisi «shaharliklar» safida barcha musobaqalarda 43 ta o‘yinda qatnashib, to‘qqizta gol urdi va 13 ta golli uzatmani amalga oshirdi.