«Milan» hujumchisi Rafael Leau faoliyatini «Barselona»da davom ettirishi mumkin. ElNacional.cat nashri bergan ma’lumotga ko‘ra, Kataloniya klubiga shu yozda portugaliyalik futbolchi bilan shartnoma imzolash taklif qilingan.

«Rossonerilar» o‘z hujumchisini Ferran Torresga almashtirish variantini ko‘rib chiqishga tayyorlar. Milan klubida ispaniyalik futbolchining universalligi yuqori baholanmoqda.

Joriy mavsumda Rafael Leau «Milan» safida barcha musobaqalarda 26 ta o‘yinda qatnashib, 10 ta gol urdi va ikkita golli uzatmani amalga oshirdi. Uning shartnomasi 2028 yil 30 iyungacha mo‘ljallangan.

Ferran Torres esa joriy mavsumda «Barselona» uchun 44 ta o‘yinda maydonga tushib, 19 ta gol va ikkita assistni o‘z hisobiga yozdirib qo‘ydi. Uning shartnomasi 2027 yil 30 iyunga qadar amal qiladi.