Italiyaning «Milan» klubi sobiq himoyachisi Marsel Desayi Rafael Leau haqida o‘z fikrlari bilan o‘rtoqlashdi. Uning hisoblashicha, portugaliyalik futbolchi o‘z jismoniy holati ustida ishlashi va o‘sish uchun imkoniyat topishi lozim.

«Ba’zan menda u o‘z imkoniyatlarining eng yuqori nuqtasiga chiqib bo‘lgan deb hisoblaydigandek taassurot uyg‘onadi. Yana nimada o‘sish mumkinligini bilmaydi. Avvalo, atletik tayyorgarlik borasida. Balki, parhez bilan tajriba o‘tkazib ko‘rish, barqarorlikni oshirishga yordam beradigan jihatlarni izlab topish kerakdir», — deya Desayining so‘zlarini keltiradi pianetamilan.it nashri.

Eslatib o‘tamiz, Desayi 1993 yildan 1998 yilgacha «Milan» sharafini himoya qilgan.