Италиянинг «Милан» клуби собиқ ҳимоячиси Марсель Десайи Рафаэль Леау ҳақида ўз фикрлари билан ўртоқлашди. Унинг ҳисоблашича, португалиялик футболчи ўз жисмоний ҳолати устида ишлаши ва ўсиш учун имконият топиши лозим.
«Баъзан менда у ўз имкониятларининг энг юқори нуқтасига чиқиб бўлган деб ҳисоблайдигандек таассурот уйғонади. Яна нимада ўсиш мумкинлигини билмайди. Аввало, атлетик тайёргарлик борасида. Балки, парҳез билан тажриба ўтказиб кўриш, барқарорликни оширишга ёрдам берадиган жиҳатларни излаб топиш керакдир», — дея Десайининг сўзларини келтиради pianetamilan.it нашри.
Эслатиб ўтамиз, Десайи 1993 йилдан 1998 йилгача «Милан» шарафини ҳимоя қилган.
