«Ayaks» yozgi transfer bozorida tarkibni kuchaytirish variantlari ustida ishlamoqda. Jurnalist Matteo Morettoning xabar berishicha, Amsterdam klubi «Real» yarim himoyachisi Dani Sebalyosni sotib olishga qiziqish bildirmoqda.
Matbuotda 29 yoshli Sebalyosining «Real»dan ketishi mumkinligi anchadan beri muhokama qilinmoqda. Joriy mavsumda futbolchi yetarlicha o‘yin amaliyotiga ega bo‘lmayapti.
Dani Sebalyosining «Real» bilan amaldagi shartnomasi 2026/2027 yilgi mavsum yakunigacha amal qiladi. Nufuzli Transfermarkt portali futbolchini 8 million yevroga baholamoqda.
«Ayaks» ayni damda Niderlandiya chempionati turnir jadvalida beshinchi pog‘onani egallab turibdi.
