«Аякс» ёзги трансфер бозорида таркибни кучайтириш вариантлари устида ишламоқда. Журналист Маттео Мореттонинг хабар беришича, Амстердам клуби «Реал» ярим ҳимоячиси Дани Себальосни сотиб олишга қизиқиш билдирмоқда.
Матбуотда 29 ёшли Себальосининг «Реал»дан кетиши мумкинлиги анчадан бери муҳокама қилинмоқда. Жорий мавсумда футболчи етарлича ўйин амалиётига эга бўлмаяпти.
Дани Себальосининг «Реал» билан амалдаги шартномаси 2026/2027 йилги мавсум якунигача амал қилади. Нуфузли Transfermarkt портали футболчини 8 миллион еврога баҳоламоқда.
«Аякс» айни дамда Нидерландия чемпионати турнир жадвалида бешинчи поғонани эгаллаб турибди.
