«Barselona» darvozaboni Voysex Shesni klubning kelajagiga katta ishonch bilan qaramoqda. Yaqinda «ko‘k-anorranglilar» Chempionlar ligasi chorak finalida Madridning «Atletiko» jamoasiga umumiy 2:3 hisobida imkoniyatni boy berib, musobaqani tark etdi. Kataloniya grandi 11 yildan beri eng nufuzli yevrokubokda zafar qucha olmayapti, biroq polyak posbonining so‘zlariga ko‘ra, muvaffaqiyatli yillar hali oldinda.
«Yaqin yillarda «Barsa» Yevropada ko‘plab sovrinlarni qo‘lga kirita olishiga ishonchim komil. Jamoada zarur sifatlar va mentalitet mavjud, bu esa klubning porloq kelajagini ta’minlaydi», — deya Shchensnining so‘zlarini keltiradi Barca Universal.
La Ligada esa Xans-Diter Flik shogirdlari ketma-ket ikkinchi chempionlikka yaqin turishibdi — Madridning «Real» klubi bilan oradagi farq to‘qqiz ochkoni tashkil etmoqda.
