«Барселона» дарвозабони Войцех Шесни клубнинг келажагига катта ишонч билан қарамоқда. Яқинда «кўк-анорранглилар» Чемпионлар лигаси чорак финалида Мадриднинг «Атлетико» жамоасига умумий 2:3 ҳисобида имкониятни бой бериб, мусобақани тарк этди. Каталония гранди 11 йилдан бери энг нуфузли еврокубокда зафар қуча олмаяпти, бироқ польяк посбонининг сўзларига кўра, муваффақиятли йиллар ҳали олдинда.
«Яқин йилларда «Барса» Европада кўплаб совринларни қўлга кирита олишига ишончим комил. Жамоада зарур сифатлар ва менталитет мавжуд, бу эса клубнинг порлоқ келажагини таъминлайди», — дея Шченснининг сўзларини келтиради Barca Universal.
Ла Лигада эса Ханс-Дитер Флик шогирдлари кетма-кет иккинчи чемпионликка яқин туришибди — Мадриднинг «Реал» клуби билан орадаги фарқ тўққиз очкони ташкил этмоқда.
