Yaqinda Xavyer Maskerano «Inter Mayami» bosh murabbiyligi lavozimini tark etdi. «Qo‘tonlar» bilan bog‘liq mish-mishlarda Xavi Ernandes va Marselo Galyardo kabi turli mashhur mutaxassislarga qiziqish bildirilayotgani aytilgan edi, biroq, aftidan, yaqin orada bunday tayinlovni kutmasa ham bo‘ladi.
Insayder Fabrisio Romanoning ma’lumotlariga ko‘ra, klub rahbariyati yaqin vaqt ichida yangi doimiy bosh murabbiy taklif qilish niyatida emas. Jamoani vaqtinchalik boshqaruvchi vazifasini bajaruvchi Gilyermo Oyos boshqarib boradi. 62 yoshli argentinalik mutaxassisga yakuniy qaror qabul qilingunga qadar, yaqin bir necha oy davomida o‘zini ko‘rsatish uchun imkoniyat beriladi. Avvalroq Oyos «Inter Mayami»da sport direktori va rivojlanish bo‘yicha direktor lavozimlarida faoliyat yuritgan.
