Яқинда Хавьер Маскерано «Интер Майами» бош мураббийлиги лавозимини тарк этди. «Қўтонлар» билан боғлиқ миш-мишларда Хави Эрнандес ва Марсело Гальярдо каби турли машҳур мутахассисларга қизиқиш билдирилаётгани айтилган эди, бироқ, афтидан, яқин орада бундай тайинловни кутмаса ҳам бўлади.
Инсайдер Фабрицио Романонинг маълумотларига кўра, клуб раҳбарияти яқин вақт ичида янги доимий бош мураббий таклиф қилиш ниятида эмас. Жамоани вақтинчалик бошқарувчи вазифасини бажарувчи Гильермо Ойос бошқариб боради. 62 ёшли аргентиналик мутахассисга якуний қарор қабул қилингунга қадар, яқин бир неча ой давомида ўзини кўрсатиш учун имконият берилади. Аввалроқ Ойос «Интер Майами»да спорт директори ва ривожланиш бўйича директор лавозимларида фаолият юритган.
