Superliganing 8-turida Farg‘onadagi «Istiqlol» stadionida «Neftchi» va «Nasaf» o‘rtasidagi markaziy uchrashuvlardan biri bo‘lib o‘tdi. Shiddatli va kurashlarga boy bahsda maydon egalari 2:1 hisobida g‘alaba qozondi.

Uchrashuvning dastlabki daqiqalaridanoq «Neftchi» faollik ko‘rsatdi va tez-tez hujumlar uyushtirdi. 17-daqiqada bu ustunlik o‘z samarasini berdi — Yovan Jokich raqib darvozasi oldida paydo bo‘lgan imkoniyatdan foydalanib, hisobni ochdi — 1:0.

Shundan keyin ham «Neftchi» tashabbusni saqlab qoldi, ammo birinchi bo‘lim oxirida «Nasaf» hisobni tenglashtirishga erishdi. Qo‘shimcha daqiqalarda qarshiliklar jarima zarbasini kombinasiya shaklida amalga oshirishdi. Bobur Abduxoliqov esa yaqin masofadan darvozani ishg‘ol qildi — 1:1.

Ikkinchi taymda maydon egalari yana bosimni kuchaytirdi. Qator standart vaziyatlar va hujumlardan so‘ng, 63-daqiqada hal qiluvchi epizod yuz berdi — Jamshid Iskanderov penaltini aniq ijro etib, jamoasini yana oldinga olib chiqdi — 2:1.

Qolgan vaqt davomida «Neftchi» o‘yinni nazorat qildi va bir necha bor xavfli vaziyatlar yaratdi. «Nasaf» esa hisobni tenglashtirishga urindi. Ayniqsa o‘yin so‘nggida Zafarmurod Abdurahmatovning qanotdan bergan aniq uzatmasidan keyin Zafar Sa’dullayev raqib darvozasiga yaqin masofadan to‘pga muvaffaqiyatli zarba bera olmadi.

Shu tariqa, «Neftchi» o‘z maydonida muhim g‘alabani qo‘lga kiritdi va o‘z ochkolarini 21 taga yetkazib, jadvalda peshqadamga aylandi. "Nasaf" esa 12 ochko bilan 6-pog‘onada qoldi.

O‘zbekiston Superligasi, 8-tur
18 aprel 2026 yil. Farg‘ona, «Istiqlol» stadioni
«Neftchi» — «Nasaf» 2:1 (1:1)
Gollar: Yovan Jokich 17 (1:0), Bobur Abduxoliqov, 45+4 (1:1), Jamshid Iskanderov 63, pen. (2:1)