«PSJ» shu haftada ketma-ket uchinchi yil Chempionlar ligasining yarim finaliga yo‘l oldi. Jamoa bosh murabbiyi Luis Enrike ushbu natija naqadar salmoqli ekanini alohida ta’kidlab o‘tdi.

«Ketma-ket uch yil yarim finalga chiqish — bu g‘ayritabiiy holat, deyarli har qanday klub uchun xos bo‘lmagan natijadir. Bu juda qiyin, lekin biz bundan faxrlanamiz. Biz bundan ham ko‘prog‘ini istaymiz», — deya Enrikening so‘zlarini keltiradi L’Equipe nashri.

Ma’lumki, Chempionlar ligasi yarim finalida «PSJ»ni «Bavariya»ga qarshi bahs kutmoqda. Enrike jamoasi uchun dastlabki o‘yin o‘z maydonida, javob uchrashuvi esa safarda bo‘lib o‘tadi.

Eslatib o‘tamiz, «PSJ» Chempionlar ligasining amaldagi g‘olibi hisoblanadi.