«ПСЖ» шу ҳафтада кетма-кет учинчи йил Чемпионлар лигасининг ярим финалига йўл олди. Жамоа бош мураббийи Луис Энрике ушбу натижа нақадар салмоқли эканини алоҳида таъкидлаб ўтди.
«Кетма-кет уч йил ярим финалга чиқиш — бу ғайритабиий ҳолат, деярли ҳар қандай клуб учун хос бўлмаган натижадир. Бу жуда қийин, лекин биз бундан фахрланамиз. Биз бундан ҳам кўпроғини истаймиз», — дея Энрикенинг сўзларини келтиради L’Equipe нашри.
Маълумки, Чемпионлар лигаси ярим финалида «ПСЖ»ни «Бавария»га қарши баҳс кутмоқда. Энрике жамоаси учун дастлабки ўйин ўз майдонида, жавоб учрашуви эса сафарда бўлиб ўтади.
Эслатиб ўтамиз, «ПСЖ» Чемпионлар лигасининг амалдаги ғолиби ҳисобланади.
