«Atletiko» hujumchisi Ademola Lukman Ispaniya Kubogi finali doirasida «Real Sosyedad» darvozasini ishg‘ol qildi (2:2, penaltilar seriyasi bo‘yicha — 3:4).
Opta nashrining xabar berishicha, 28 yoshli Lukman Ispaniya Kubogi finalida gol urgan tarixdagi ikkinchi nigeriyalik futbolchiga aylandi.
Bundan avval, 1997 yilda Finidi Jorj «Betis» safida «Barselona»ga qarshi kechgan final bahsida gol urishga muvaffaq bo‘lgan edi.
2025/26 yilgi mavsumda Lukman jami 37 ta o‘yinda maydonga tushib, 10 ta gol urdi va 6 ta golli uzatmani amalga oshirdi.
