«Атлетико» ҳужумчиси Адемола Лукман Испания Кубоги финали доирасида «Реал Сосьедад» дарвозасини ишғол қилди (2:2, пенальтилар серияси бўйича — 3:4).
Opta нашрининг хабар беришича, 28 ёшли Лукман Испания Кубоги финалида гол урган тарихдаги иккинчи нигериялик футболчига айланди.
Бундан аввал, 1997 йилда Финиди Жорж «Бетис» сафида «Барселона»га қарши кечган финал баҳсида гол уришга муваффақ бўлган эди.
2025/26 йилги мавсумда Лукман жами 37 та ўйинда майдонга тушиб, 10 та гол урди ва 6 та голли узатмани амалга оширди.
