Angliyalik sobiq futbolchi Jo Koul «Liverpul»ning hozirgi tarkibini qanday qilib kuchaytirish kerakligi haqida gapirdi.

«Menimcha, jamoaga hujum chizig‘ida tajribali o‘yinchi xalaqit bermagan bo‘lardi. Robert Levandovski bilan shartnoma imzolash mumkin. Yangi chaqiruvni qabul qilish Robert uchun qiziq bo‘lardi. U bir mavsumda bemalol 30 taga yaqin o‘yinda ishtirok etishga qodir», — deya sobiq futbolchining so‘zlarini Goal portali keltirmoqda.

37 yoshli polshalik hujumchining «ko‘k-anorranglilar» bilan amaldagi shartnomasi 2026 yil iyun oyi oxirida yakuniga etadi. Shu tariqa, mavsum tugagach, hujumchini tekinga (erkin agent sifatida) qo‘lga kiritish mumkin. Ispaniya La Ligasining joriy mavsumida Levandovski 25 ta o‘yinda maydonga tushib, 12 ta gol urishga muvaffaq bo‘ldi.