Англиялик собиқ футболчи Жо Коул «Ливерпуль»нинг ҳозирги таркибини қандай қилиб кучайтириш кераклиги ҳақида гапирди.
«Менимча, жамоага ҳужум чизиғида тажрибали ўйинчи халақит бермаган бўларди. Роберт Левандовски билан шартнома имзолаш мумкин. Янги чақирувни қабул қилиш Роберт учун қизиқ бўларди. У бир мавсумда бемалол 30 тага яқин ўйинда иштирок этишга қодир», — дея собиқ футболчининг сўзларини Goal портали келтирмоқда.
37 ёшли полшалик ҳужумчининг «кўк-анорранглилар» билан амалдаги шартномаси 2026 йил июнь ойи охирида якунига этади. Шу тариқа, мавсум тугагач, ҳужумчини текинга (эркин агент сифатида) қўлга киритиш мумкин. Испания Ла Лигасининг жорий мавсумида Левандовски 25 та ўйинда майдонга тушиб, 12 та гол уришга муваффақ бўлди.
