«Liverpul» laterali Jeremi Frimpong jamoaning hujumkor yarim himoyachisi Florian Virsning o‘yin uslubi haqida o‘z fikrlarini bildirdi. «Tumanli Albion»ga ko‘chib o‘tishdan oldin niderlandiyalik va germaniyalik futbolchilar Leverkuzenning «Bayer» klubida birga to‘p surishgan.

«Florian to‘p bilan ajoyib muomala qiladi. Unda mendagi kabi tezlik yo‘q, biroq u maydonda juda tez fikrlaydi. Virs buni eng yuqori darajadagi o‘yinlarda allaqachon isbotlab ulgurgan. «Bayer»da o‘ynagan vaqtimizda u doimiy ravishda golli vaziyatlar yaratardi. Agar g‘alabani yulib olish kerak bo‘lsa, Florian o‘zini ko‘rsatardi. Bu yigit o‘z maqsadiga erishishni biladi», — deya futbolchining so‘zlarini The Telegraph nashri keltirmoqda.

Angliya Premyer-ligasining joriy mavsumida 22 yoshli germaniyalik futbolchi 28 ta o‘yinda maydonga tushib, o‘z hisobiga 4 ta gol va 3 ta golli uzatmani yozdirib qo‘ydi.