«Manchester Yunayted» yarim himoyachisi Brunu Fernandesh ajoyib mavsumni o‘tkazmoqda, biroq u o‘zidan yanada ko‘prog‘ini kutmoqda. Shanba kuni «qizil iblislar» sardori Mateus Kunyaga golli uzatma yetkazib berdi va bu gol jamoaga «Chelsi» ustidan g‘alaba taqdim etdi (1:0).

Portugaliyalik xavbek hisobida Premyer-liganing joriy mavsumida allaqachon 18 ta golli uzatma mavjud — barcha davrlarning mutlaq rekordini yangilash uchun unga bor-yo‘g‘i ikkita assist qoldi.

«Men har doim har bir mavsumda yaxshiroq va yaxshiroq o‘ynashni xohlashimni aytaman. Umuman olganda, o‘z o‘yinimni rivojlantirish istagidaman. Har hafta o‘sishim kerak, chunki maqsadim — yanada sifatliroq o‘yinchiga aylanish va faoliyatim yakuniga qadar o‘z maksimumimga erishishdir», — deya ta’kidladi mankunianliklarning 31 yoshli yetakchisi TNT Sports nashriga bergan intervyusida.

Brunu Fernandesh 2020 yil boshidan buyon «Manchester Yunayted» sharafini himoya qilib kelmoqda.