«Манчестер Юнайтед» ярим ҳимоячиси Бруну Фернандеш ажойиб мавсумни ўтказмоқда, бироқ у ўзидан янада кўпроғини кутмоқда. Шанба куни «қизил иблислар» сардори Матеус Куньяга голли узатма етказиб берди ва бу гол жамоага «Челси» устидан ғалаба тақдим этди (1:0).

Португалиялик хавбек ҳисобида Премьер-лиганинг жорий мавсумида аллақачон 18 та голли узатма мавжуд — барча даврларнинг мутлақ рекордини янгилаш учун унга бор-йўғи иккита ассист қолди.

«Мен ҳар доим ҳар бир мавсумда яхшироқ ва яхшироқ ўйнашни хоҳлашимни айтаман. Умуман олганда, ўз ўйинимни ривожлантириш истагидаман. Ҳар ҳафта ўсишим керак, чунки мақсадим — янада сифатлироқ ўйинчига айланиш ва фаолиятим якунига қадар ўз максимумимга эришишдир», — дея таъкидлади манкунианликларнинг 31 ёшли етакчиси TNT Sports нашрига берган интервьюсида.

Бруну Фернандеш 2020 йил бошидан буён «Манчестер Юнайтед» шарафини ҳимоя қилиб келмоқда.