Madridning «Real» klubi «Frayburg» va Shveysariya terma jamoasi yarim himoyachisi Yoxan Manzambiga qiziqish bildirmoqda. «Qaymoqranglilar» 20 yoshli futbolchini bo‘lajak transfer oynalarida kuzatib boriladigan o‘yinchilar ro‘yxatiga qo‘shishdi. Bu haqda TuttoJuve nashri xabar bermoqda.

Manbaning ta’kidlashicha, ko‘pchilik Manzambini jismoniy holati, maydonning istalgan nuqtasida harakat qila olishi va hujumkor salohiyati tufayli jahon chempioni Pol Pogbaga qiyoslamoqda.

Joriy mavsumda Manzambi barcha turnirlarda 39 ta o‘yinda ishtirok etib, 5 ta gol urdi va 7 ta golli uzatmani amalga oshirdi. Futbolchining klub bilan amaldagi mehnat shartnomasi 2030 yilning yoziga qadar mo‘ljallangan. Transfermarkt portali ma’lumotlariga ko‘ra, o‘yinchining bozor qiymati 35 million yevroni tashkil etadi.