«Napoli» bosh murabbiyi Antonio Konte matbuotda uning kelajagi borasida tarqalgan mish-mishlarga munosabat bildirdi. Yaqinda Italiya klubi prezidenti Aurelio de Laurentis joriy mavsum yakunida 56 yoshli mutaxassis bilan hamkorlikni to‘xtatmoqchi ekani haqida xabarlar tarqalgan edi.

«Bu prezidentning ishi, u xohlagan gapini aytishi mumkin. Men unga omma oldida javob qaytarmayman – bunday narsalar klub ichida muhokama qilinadi», – dedi Konte «Lasio»dan uchralgan mag‘lubiyatdan (0:2) so‘ng.

Italiya Seriya Asining 33 turidan keyin Konte jamoasi 66 ochko bilan turnir jadvalida ikkinchi o‘rinda bormoqda. Navbatdagi turda «Napoli» o‘z maydonida «Kremoneze» bilan o‘ynaydi.