«Наполи» бош мураббийи Антонио Конте матбуотда унинг келажаги борасида тарқалган миш-мишларга муносабат билдирди. Яқинда Италия клуби президенти Аурелио де Лаурентис жорий мавсум якунида 56 ёшли мутахассис билан ҳамкорликни тўхтатмоқчи экани ҳақида хабарлар тарқалган эди.

«Бу президентнинг иши, у хоҳлаган гапини айтиши мумкин. Мен унга омма олдида жавоб қайтармайман – бундай нарсалар клуб ичида муҳокама қилинади», – деди Конте «Лацио»дан учралган мағлубиятдан (0:2) сўнг.

Италия Серия Асининг 33 туридан кейин Конте жамоаси 66 очко билан турнир жадвалида иккинчи ўринда бормоқда. Навбатдаги турда «Наполи» ўз майдонида «Кремонезе» билан ўйнайди.