Ispaniya terma jamoasi bosh murabbiyi Luis de la Fuente "Barselona"ning 21 yoshli iqtidorli yarim himoyachisi Gavini shu yozda bo‘lib o‘tadigan JCH-2026 uchun milliy jamoa qaydnomasiga kiritish imkoniyatini ko‘rib chiqayotgani ma’lum bo‘ldi.
Xabar qilinishicha, murabbiy futbolchining og‘ir jarohatidan keyin ham shunday qadam tashlashga tayyor, ammo buning uchun yosh ispaniyalik mavsum yakuniga qadar kataloniyaliklar tarkibida maydonda tez-tez ko‘rinish berishi shart bo‘ladi.
Eslatib o‘tamiz, joriy mavsum boshida Gavi og‘ir jarohat olib, uzoq muddatni o‘tkazib yuborgan edi. Futbolchi yaqindagina jarohatidan tiklandi va yana o‘yinlarga qaytdi.
