Испания терма жамоаси бош мураббийи Луис де ла Фуэнте "Барселона"нинг 21 ёшли иқтидорли ярим ҳимоячиси Гавини шу ёзда бўлиб ўтадиган ЖЧ-2026 учун миллий жамоа қайдномасига киритиш имкониятини кўриб чиқаётгани маълум бўлди.
Хабар қилинишича, мураббий футболчининг оғир жароҳатидан кейин ҳам шундай қадам ташлашга тайёр, аммо бунинг учун ёш испаниялик мавсум якунига қадар каталонияликлар таркибида майдонда тез-тез кўриниш бериши шарт бўлади.
Эслатиб ўтамиз, жорий мавсум бошида Гави оғир жароҳат олиб, узоқ муддатни ўтказиб юборган эди. Футболчи яқиндагина жароҳатидан тикланди ва яна ўйинларга қайтди.













