«Atletiko» hujumchisi Antuan Grizmann Ispaniya Kubogi finalida «Real Sosyedad»dan uchralgan mag‘lubiyatdan so‘ng (2:2, penaltilar bo‘yicha 3:4) ijtimoiy tarmoqlarda o‘z fikrlari bilan o‘rtoqlashdi.
«Men o‘z hissiyotlarim yoki fikrlarimni ko‘p ham ommaga ko‘rsataveradiganlar toifasidan emasman, lekin mana shu chiroyli libosdagi muxlislarimizni ko‘rish naqadar yoqimli. Ular bizni qo‘llab-quvvatlash uchun yo‘llarda soatlab vaqt o‘tkazishadi, o‘z jamoasi uchun mablag‘ sarflashadi.
Oilam va do‘stlarim ushbu ranglarni himoya qilgan holda kubokni qo‘lga kiritishni orzu qilayotganini ko‘rish... Jamoadoshlarim minglab muxlislarni xursand qilishni istayotganini his qilish.
Shuningdek, bizdan uzoqda bo‘lgan, ammo qalban biz bilan birga bo‘lganlarni ham unutmayman», — deb yozdi Grizmann stadiondan rafiqasi va qizlarining suratini joylashtirgan holda.
Eslatib o‘tamiz, avvalroq 35 yoshli futbolchi ushbu mavsum yakunida klubni tark etishi ma’lum bo‘lgan edi.
