«Атлетико» ҳужумчиси Антуан Гризманн Испания Кубоги финалида «Реал Сосьедад»дан учралган мағлубиятдан сўнг (2:2, пенальтилар бўйича 3:4) ижтимоий тармоқларда ўз фикрлари билан ўртоқлашди.
«Мен ўз ҳиссиётларим ёки фикрларимни кўп ҳам оммага кўрсатаверадиганлар тоифасидан эмасман, лекин мана шу чиройли либосдаги мухлисларимизни кўриш нақадар ёқимли. Улар бизни қўллаб-қувватлаш учун йўлларда соатлаб вақт ўтказишади, ўз жамоаси учун маблағ сарфлашади.
Оилам ва дўстларим ушбу рангларни ҳимоя қилган ҳолда кубокни қўлга киритишни орзу қилаётганини кўриш... Жамоадошларим минглаб мухлисларни хурсанд қилишни истаётганини ҳис қилиш.
Шунингдек, биздан узоқда бўлган, аммо қалбан биз билан бирга бўлганларни ҳам унутмайман», — деб ёзди Гризманн стадиондан рафиқаси ва қизларининг суратини жойлаштирган ҳолда.
Эслатиб ўтамиз, аввалроқ 35 ёшли футболчи ушбу мавсум якунида клубни тарк этиши маълум бўлган эди.
