«Liverpul» APL 33-turi doirasidagi bahsda «Everton»dan ustun keldi — 2:1. O‘yin «iriskalar»ning uy stadionida bo‘lib o‘tdi.
Uchrashuvning 29-daqiqasida mehmonlar hujumchisi Muhammad Saloh hisobni ochdi. Maydon egalarining javob goliga 54-daqiqada hujumchi Betu mualliflik qildi.
G‘alaba to‘pini 90+11-daqiqada mersisaydliklar himoyachisi Virdjil van Deyk kiritdi.
Ikkinchi bo‘limda «Liverpul» darvozaboni Georgiy Mamardashvili jarohat oldi va maydonni zambilda tark etdi. Uning o‘rniga klubning uchinchi darvozaboni Freddi Vudmen o‘yinga qo‘shildi.
Ushbu g‘alabadan so‘ng «Liverpul» 55 ochko jamg‘arib, Angliya chempionati turnir jadvalida beshinchi o‘rinni egallab turibdi. «Everton» esa 47 ochko bilan 10-pog‘onada bormoqda.
