«Ливерпуль» АПЛ 33-тури доирасидаги баҳсда «Эвертон»дан устун келди — 2:1. Ўйин «ирискалар»нинг уй стадионида бўлиб ўтди.

Учрашувнинг 29-дақиқасида меҳмонлар ҳужумчиси Муҳаммад Салоҳ ҳисобни очди. Майдон эгаларининг жавоб голига 54-дақиқада ҳужумчи Бету муаллифлик қилди.

Ғалаба тўпини 90+11-дақиқада мерсисайдликлар ҳимоячиси Вирджил ван Дейк киритди.

Иккинчи бўлимда «Ливерпуль» дарвозабони Георгий Мамардашвили жароҳат олди ва майдонни замбилда тарк этди. Унинг ўрнига клубнинг учинчи дарвозабони Фредди Вудмен ўйинга қўшилди.

Ушбу ғалабадан сўнг «Ливерпуль» 55 очко жамғариб, Англия чемпионати турнир жадвалида бешинчи ўринни эгаллаб турибди. «Эвертон» эса 47 очко билан 10-поғонада бормоқда.