«Manchester Siti» yarim himoyachisi Bernardu Silva hujumchi Erling Xolandning «Arsenal»ga qarshi o‘yindagi ishtiroki haqidagi savolga javob berdi. «Shaharliklar» o‘z maydonida 2:1 hisobida g‘alaba qozonishdi, Xoland esa g‘alaba goliga mualliflik qildi.
«Xoland bugun ajoyib o‘yin ko‘rsatdi. U har bir to‘p uchun oxirigacha kurashdi. Ikki nafar qattiqqo‘l markaziy himoyachiga qarshi harakat qilish unga oson bo‘lmadi. Bugun u xuddi yirtqich hayvondek jang qildi», — dedi Silva Sky Sports nashriga bergan intervyusida.
«Manchester Siti» Premyer-liga jadvalida ikkinchi o‘rinda qolmoqda, biroq yo‘qotilgan ochkolar bo‘yicha «shaharliklar» peshqadam «Arsenal» bilan bir xil darajaga kelib olishdi.
