«Манчестер Сити» ярим ҳимоячиси Бернарду Силва ҳужумчи Эрлинг Холанднинг «Арсенал»га қарши ўйиндаги иштироки ҳақидаги саволга жавоб берди. «Шаҳарликлар» ўз майдонида 2:1 ҳисобида ғалаба қозонишди, Холанд эса ғалаба голига муаллифлик қилди.
«Холанд бугун ажойиб ўйин кўрсатди. У ҳар бир тўп учун охиригача курашди. Икки нафар қаттиққўл марказий ҳимоячига қарши ҳаракат қилиш унга осон бўлмади. Бугун у худди йиртқич ҳайвондек жанг қилди», — деди Силва Sky Sports нашрига берган интервьюсида.
«Манчестер Сити» Премьер-лига жадвалида иккинчи ўринда қолмоқда, бироқ йўқотилган очколар бўйича «шаҳарликлар» пешқадам «Арсенал» билан бир хил даражага келиб олишди.
