Italiyaning «Roma» klubi bosh murabbiyi Jan Pyero Gasperinining jamoadagi kelajagi so‘roq ostida qolmoqda. 68 yoshli mutaxassis klub egalari bilan uchrashib, faoliyatini davom ettirish uchun o‘z talablarini ilgari surdi.

Ma’lumotlarga ko‘ra, tajribali murabbiyning asosiy talablaridan biri — klub sport direktori Klaudio Ranyeri bilan hamkorlikni to‘xtatish hisoblanadi. Gasperini o‘zi bevosita muloqot qila oladigan yangi funksioner tayinlanishini istamoqda.

Shuningdek, murabbiy transfer strategiyasi ustidan to‘liq nazorat o‘rnatishni talab qilgan. Uning fikricha, jamoa kelgusi mavsumda raqobatbardosh bo‘lishi uchun asosiy tarkib darajasidagi kamida 3-4 nafar yangi futbolchi sotib olinishi zarur.

Agar klub rahbariyati ushbu shartlarni qabul qilmasa, 2025 yilning yozidan buyon rimliklarni boshqarib kelayotgan mutaxassis xorij klublaridan tushayotgan takliflarni ko‘rib chiqishga tayyorligini bildirgan.