Madridning «Real» klubi bosh murabbiyi Alvaro Arbeloa yarim himoyachi Arda Gyulerning o‘yini haqida fikr bildirdi.

«Juda shiddatli uch oy o‘tdi. Biz ajoyib munosabatlar o‘rnatdik. Men bu yerga kelganimda, Gyuler muhim o‘yinlarda o‘ynashga qodir emas, deyishardi. Ammo uning «Bavariya» va «Siti»ga qarshi pley-offda qanday o‘yinlar o‘tkazganiga bir qarang. Men unda doimo iqtidor, xohish va fidoyilikni ko‘rganman.

Bu uning yutug‘i: u o‘z yo‘lida uchragan xatolardan xulosa chiqarishni biladi. Arda Gyuler hozir o‘tkazayotgan mavsum — bu katta mukofot. Bu shunday futbolchiki, u nafaqat kelajakda buyuk ishlarni amalga oshirishi, balki hozirning o‘zidayoq yuqori darajadagi o‘yinni ko‘rsatishi taqdir qilingan», — deya Arbeloaning so‘zlarini keltiradi AS.

Arda Gyuler 2023 yilning iyul oyida Turkiyaning «Fenerbaxche» klubidan «Real»ga o‘tgan edi. Uning klub bilan shartnomasi 2029 yilning iyunigacha amal qiladi.

Joriy mavsumda yarim himoyachi barcha turnirlarda 49 ta o‘yinda ishtirok etib, 6 ta gol urdi va 13 ta golli uzatmani amalga oshirdi. Transfermarkt ma’lumotlariga ko‘ra, futbolchining bozor qiymati 90 million yevroni tashkil etadi.