«Bavariya» prezidenti Gerbert Xayner jamoaning muddatidan oldin Germaniya chempioni bo‘lgani (bu klub tarixidagi 35-titul) haqida o‘z fikrlarini bildirdi.
«Germaniya chempioni bo‘lish oson emas. Ammo chempion bo‘lib qolishni uddalash — «Bavariya» muvaffaqiyatining garovidir. Ushbu jamoaning o‘yinini kuzatish shunchaki zavq bag‘ishlaydi. Ular bir joyda to‘xtab qolishmayapti. Bunda futbolchilar, Vensan Kompani boshchiligidagi murabbiylar shtabi, direktorlar kengashi va sport rahbariyatining xizmatlari beqiyos.
Titul har doim asosiy maqsadimiz bo‘lib kelgan. Endi esa qo‘shimcha vazifalar — Chempionlar Ligasi va Germaniya Kubogiga o‘tamiz. Prezident sifatida ayollar jamoamiz chorshanba kuni ketma-ket to‘rtinchi chempionlikni qo‘lga kiritishi mumkinligidan va shanba kuni «Alyans-Arena»da Chempionlar Ligasi yarim finali doirasida «Barselona»ni qabul qilishidan xursandman. Muxlislarimiz klubning mavsumdan mavsumga ko‘rsatayotgan natijalari bilan faxrlanishlari mumkin», — dedi Xayner.
