«Бавария» президенти Герберт Хайнер жамоанинг муддатидан олдин Германия чемпиони бўлгани (бу клуб тарихидаги 35-титул) ҳақида ўз фикрларини билдирди.
«Германия чемпиони бўлиш осон эмас. Аммо чемпион бўлиб қолишни уддалаш — «Бавария» муваффақиятининг гаровидир. Ушбу жамоанинг ўйинини кузатиш шунчаки завқ бағишлайди. Улар бир жойда тўхтаб қолишмаяпти. Бунда футболчилар, Венсан Компани бошчилигидаги мураббийлар штаби, директорлар кенгаши ва спорт раҳбариятининг хизматлари беқиёс.
Титул ҳар доим асосий мақсадимиз бўлиб келган. Энди эса қўшимча вазифалар — Чемпионлар Лигаси ва Германия Кубогига ўтамиз. Президент сифатида аёллар жамоамиз чоршанба куни кетма-кет тўртинчи чемпионликни қўлга киритиши мумкинлигидан ва шанба куни «Альянц-Арена»да Чемпионлар Лигаси ярим финали доирасида «Барселона»ни қабул қилишидан хурсандман. Мухлисларимиз клубнинг мавсумдан мавсумга кўрсатаётган натижалари билан фахрланишлари мумкин», — деди Хайнер.
