«Barselona» hujumchisi Lamin Yamal dunyoning yetakchi futbolchilarining o‘sib kelayotgan avlod oldidagi mas’uliyati haqida gapirib berdi. Xususan, futbolchi nafaqat maydonda ko‘rsatilayotgan o‘yin sifati, balki media makondagi xatti-harakatlar va bayonotlar ham muhimligini ta’kidladi.

«Yulduz bo‘lish — bu katta mas’uliyat ekanini va xato qilishga haqqing yo‘qligini anglash qiyin, chunki sen ko‘plab bolalar uchun o‘rnak va namuna hisoblanasan. Buni yodda tutgan holda aytamanki, ba’zida baribir xatolarga yo‘l qo‘yaman, chunki men hali atigi 18 yoshdaman», — deya Yamalning so‘zlaridan iqtibos keltirmoqda Marca.

2025/2026 yilgi mavsumda Yamal 44 ta o‘yin o‘tkazib, 23 ta gol urdi va 18 ta golli uzatmani amalga oshirdi. Uning bozor qiymati 200 million yevroni tashkil etadi.