«Барселона» ҳужумчиси Ламин Ямал дунёнинг етакчи футболчиларининг ўсиб келаётган авлод олдидаги масъулияти ҳақида гапириб берди. Хусусан, футболчи нафақат майдонда кўрсатилаётган ўйин сифати, балки медиа макондаги хатти-ҳаракатлар ва баёнотлар ҳам муҳимлигини таъкидлади.
«Юлдуз бўлиш — бу катта масъулият эканини ва хато қилишга ҳаққинг йўқлигини англаш қийин, чунки сен кўплаб болалар учун ўрнак ва намуна ҳисобланасан. Буни ёдда тутган ҳолда айтаманки, баъзида барибир хатоларга йўл қўяман, чунки мен ҳали атиги 18 ёшдаман», — дея Ямалнинг сўзларидан иқтибос келтирмоқда Marca.
2025/2026 йилги мавсумда Ямал 44 та ўйин ўтказиб, 23 та гол урди ва 18 та голли узатмани амалга оширди. Унинг бозор қиймати 200 миллион еврони ташкил этади.
