«Tottenxem» bosh murabbiyi Roberto De Dzerbi yarim himoyachi Xavi Simons bilan «maxsus aloqa» o‘rnatgani haqida gapirib berdi.
«Uning men bilan ishlayotgani — omadi. Bu mening kuchliligim uchun emas, balki o‘zim ham «o‘ninchi raqam» (pleymeyker) bo‘lganim uchundir. U hozir nimani o‘ylayotgan bo‘lsa, men bu haqda 20 yil avval o‘ylaganman. Shuning uchun oramizda o‘ziga xos bog‘liqlik bor. Men o‘zim birga ishlaydigan barcha «o‘ninchi raqam»lar bilan maxsus aloqaga egaman. Men bu pozisiyani yaxshi ko‘raman. «O‘ninchi raqam» shuni tushunishi kerakki, u shunchaki odamlarga yoqish uchun emas, balki gol urish va golli uzatmalarni amalga oshirish uchun o‘ynashi lozim.
O‘ylaymanki, u yanada yaxshiroq o‘yin ko‘rsata oladi. Chunki unga o‘xshagan futbolchilarga murabbiyning ishonchi kerak va men unga zarur bo‘lgan barcha ishonchni berish uchun shu yerdaman», — deya italiyalik mutaxassisning so‘zlaridan iqtibos keltiradi SpursPlay.
2025/2026 yilgi mavsumda 23 yoshli niderlandiyalik futbolchi 40 ta o‘yinda maydonga tushib, 5 ta gol urdi va 6 ta golli uzatmani amalga oshirdi.
