«Тоттенхэм» бош мураббийи Роберто Де Дзерби ярим ҳимоячи Хави Симонс билан «махсус алоқа» ўрнатгани ҳақида гапириб берди.

«Унинг мен билан ишлаётгани — омади. Бу менинг кучлилигим учун эмас, балки ўзим ҳам «ўнинчи рақам» (плеймейкер) бўлганим учундир. У ҳозир нимани ўйлаётган бўлса, мен бу ҳақда 20 йил аввал ўйлаганман. Шунинг учун орамизда ўзига хос боғлиқлик бор. Мен ўзим бирга ишлайдиган барча «ўнинчи рақам»лар билан махсус алоқага эгаман. Мен бу позицияни яхши кўраман. «Ўнинчи рақам» шуни тушуниши керакки, у шунчаки одамларга ёқиш учун эмас, балки гол уриш ва голли узатмаларни амалга ошириш учун ўйнаши лозим.

Ўйлайманки, у янада яхшироқ ўйин кўрсата олади. Чунки унга ўхшаган футболчиларга мураббийнинг ишончи керак ва мен унга зарур бўлган барча ишончни бериш учун шу ердаман», — дея италиялик мутахассиснинг сўзларидан иқтибос келтиради SpursPlay.

2025/2026 йилги мавсумда 23 ёшли нидерландиялик футболчи 40 та ўйинда майдонга тушиб, 5 та гол урди ва 6 та голли узатмани амалга оширди.