Londonning «Chelsi» klubi yozgi transfer oynasi uchun o‘z oldiga asosiy maqsadni belgilab oldi. TEAMtalk nashriga Grem Beyli bergan ma’lumotga ko‘ra, «ko‘klar» «Nyukasl» hujumchisi Entoni Gordonni sotib olmoqchi.

25 yoshli futbolchining transfer qiymati 80 million funt sterlingga baholanmoqda. Taxminlarga ko‘ra, Gordon jamoada Alexandro Garnachoning o‘rnini egallashi mumkin. Joriy mavsumda Gordon «qarg‘alar» safida barcha turnirlarda 46 ta o‘yinda maydonga tushib, 17 ta gol va 5 ta golli uzatmaga mualliflik qildi.

Shuningdek, London klubining short-listidan Niko Uilyams («Atletik»), Yan Diomande («RB Leypsig») va Morgan Rodjers («Aston Villa») kabi futbolchilar ham joy olgan. Eslatib o‘tamiz, Gordon uchun kurashda «Chelsi»dan tashqari «Arsenal» va «Bavariya» klublari ham da’vogarlik qilmoqda.