Лондоннинг «Челси» клуби ёзги трансфер ойнаси учун ўз олдига асосий мақсадни белгилаб олди. TEAMtalk нашрига Грэм Бейли берган маълумотга кўра, «кўклар» «Ньюкасл» ҳужумчиси Энтони Гордонни сотиб олмоқчи.
25 ёшли футболчининг трансфер қиймати 80 миллион фунт стерлингга баҳоланмоқда. Тахминларга кўра, Гордон жамоада Алехандро Гарначонинг ўрнини эгаллаши мумкин. Жорий мавсумда Гордон «қарғалар» сафида барча турнирларда 46 та ўйинда майдонга тушиб, 17 та гол ва 5 та голли узатмага муаллифлик қилди.
Шунингдек, Лондон клубининг шорт-листидан Нико Уильямс («Атлетик»), Ян Диоманде («РБ Лейпциг») ва Морган Роджерс («Астон Вилла») каби футболчилар ҳам жой олган. Эслатиб ўтамиз, Гордон учун курашда «Челси»дан ташқари «Арсенал» ва «Бавария» клублари ҳам даъвогарлик қилмоқда.
