«Barselona» bosh murabbiyi Xansi Flik jamoaning o‘yin uslubi klub uchun naqadar muhim ahamiyatga ega ekanligi haqida to‘xtaldi. Murabbiyning so‘zlariga ko‘ra, faqat sovrinlar emas, balki maydondagi jozibador o‘yin ham asosiy maqsadlardan biridir.
«Gap faqat sovrinlarda emas, balki qanday o‘ynayotganimizda ham. Uslub juda muhim — bu haqda prezident menga yozgan xatida ham ta’kidlab o‘tgan edi. Uslubning o‘zi ham katta muvaffaqiyatdir», — deya Flikning so‘zlaridan iqtibos keltiradi Marca nashri.
Eslatib o‘tamiz, ayni damda «ko‘k-anorranglilar» La Liga turnir jadvalida peshqadamlik qilmoqda va eng yaqin ta’qibchisi «Real Madrid»ni 9 ochkoga ortda qoldirmoqda. «Barselona» navbatdagi uchrashuvini 22 aprel kuni «Selta»ga qarshi o‘tkazadi.
