«Барселона» бош мураббийи Ханси Флик жамоанинг ўйин услуби клуб учун нақадар муҳим аҳамиятга эга эканлиги ҳақида тўхталди. Мураббийнинг сўзларига кўра, фақат совринлар эмас, балки майдондаги жозибадор ўйин ҳам асосий мақсадлардан биридир.
«Гап фақат совринларда эмас, балки қандай ўйнаётганимизда ҳам. Услуб жуда муҳим — бу ҳақда президент менга ёзган хатида ҳам таъкидлаб ўтган эди. Услубнинг ўзи ҳам катта муваффақиятдир», — дея Фликнинг сўзларидан иқтибос келтиради Marca нашри.
Эслатиб ўтамиз, айни дамда «кўк-анорранглилар» Ла Лига турнир жадвалида пешқадамлик қилмоқда ва энг яқин таъқибчиси «Реал Мадрид»ни 9 очкога ортда қолдирмоқда. «Барселона» навбатдаги учрашувини 22 апрель куни «Сельта»га қарши ўтказади.
