Ispaniya La Ligasi doirasida Madridning «Real» klubi o‘z maydonida «Alaves»ni qabul qilib, muhim g‘alabani qo‘lga kiritdi — 2:1.
Uchrashuvning 30-daqiqasida Kilian Mbappe hisobni ochgan bo‘lsa, 50-daqiqada Vinisius Junior «qirollik klubi»ning ustunligini mustahkamladi. Mehmonlar faqatgina hakam tomonidan qo‘shib berilgan vaqtda (90+3) Toni Martinesning goli bilan javob qaytara olishdi.
O‘yindan so‘ng madridliklar bosh murabbiyi Alvaro Arbeloa o‘z fikrlarini bildirib o‘tdi:
«Masalani vaqtliroq hal qila olmaganimiz afsunarli. Chempionlar ligasidan chiqib ketganimizdan so‘ng, ochkoga muhtoj bo‘lgan «Alaves»ga qarshi o‘yin oson kechmasligini bilardik. Endi kuchni tiklashimiz kerak — oldinda bizni safardagi uchta muhim uchrashuv kutmoqda», — deya Arbeloaning so‘zlarini keltirmoqda Madrid Universal.
