Испания Ла Лигаси доирасида Мадриднинг «Реал» клуби ўз майдонида «Алавес»ни қабул қилиб, муҳим ғалабани қўлга киритди — 2:1.

Учрашувнинг 30-дақиқасида Килиан Мбаппе ҳисобни очган бўлса, 50-дақиқада Винисиус Жуниор «қироллик клуби»нинг устунлигини мустаҳкамлади. Меҳмонлар фақатгина ҳакам томонидан қўшиб берилган вақтда (90+3) Тони Мартинеснинг голи билан жавоб қайтара олишди.

Ўйиндан сўнг мадридликлар бош мураббийи Альваро Арбелоа ўз фикрларини билдириб ўтди:

«Масалани вақтлироқ ҳал қила олмаганимиз афсунарли. Чемпионлар лигасидан чиқиб кетганимиздан сўнг, очкога муҳтож бўлган «Алавес»га қарши ўйин осон кечмаслигини билардик. Энди кучни тиклашимиз керак — олдинда бизни сафардаги учта муҳим учрашув кутмоқда», — дея Арбелоанинг сўзларини келтирмоқда Madrid Universal.